Climate change responsibilidad ng lahat

BUNSOD nang kabiguan ng pamahalaan na tugunan ang panganib na maaaring idulot ng climate change sa pama-magitan ng komprehensibong national policy, ang mga lalawigan at munisipalidad ay dapat gumawa ng mga hakbang kung paano lalabanan ang mapaminsalang phenomenon, ayon kay Gonzalo Catan Jr., inventor, businessman, executive vice president ng Mapecon Green Charcoal Philippines.

Aniya, kailangang kumilos upang mapahupa ang climate change ng mga hakbang na nakatuon sa pagpapababa sa carbon monoxide sa atmostphre. Ang carbon emission ang pangunahing salarin sa polusyon sa hangin.

“We just witnessed the massive destruction by Yolanda, the off-season typhoon, that hit na province of Leyte. Then there was the flooding in Davao and the 7.2 earthquake that destroyed the scenic spots in Bohol,” pahayag ni Catan.

Ang tanong aniya, “how prepared are we if occurrences of this magnitude come again”. Ang problema aniya ay responsibilidad ng lahat at hindi dapat na iasa na lamang sa central goverment. Ang mga rehiyon at local government units ay dapat magpatupad ng mga hakbang, diin ni Catan, sa pamamagitan pag-uutos ng paggamit ng exhaust-clean vehicles at energy-efficient factory buildings.

Gayonman, sinabi ni Catan, hindi sapat na magbuo lamang ng mga polisiya. Ang mga ito ay dapat na mahigpit na ipatupad.