HATAW! D'yaryo ng Bayan hatawtabloid.com
ni Pilar Mateo
WHERE does love go when it dies?
Sabi na nga ba, eh!
‘Yung pics ni Maja (Salvador) abroad na nagbakasyon siya na walang Gerald Anderson na kasama eh, malalagyan ng ibang kahulugan. Na ngayon nga eh, may katotohanan na. Wala na nga sila.
Ang pasubali ni Gerald, nag-uusap at magkaibigan pa rin sila at ang desisyon ng paghihiwalay eh, pinagkasunduan nila.
Fine! Kaya, malamang na sa trabaho niya na mag-focus nang husto ang aktres.
Kamakailan, lampas 5,000 katao ang nakisaya sa ginanap na Daragang Magayon Kapamilya Karavan na dinaluhan ng Bridges of Love lead actress na si Maja at Nasaan Ka Nang Kailangan Kita teen cast members na sina Jane Oineza, Loisa Andalio, at Joshua Garcia. Hitik sa aliw at sorpresa ang programang inihanda ng ABS-CBN Bicol para sa mga Kapamilyang Albayanon na maaga pa lamang ay nagtipon na sa Albay Astrodome sa Legazpi City, Albay.
Nagdagdag-kasiyahan din sa prorama ang MAGTV na Oragon talents ng ABS-CBN Bicol na sina LA Cu at Dominique Lagrimas, at mga DJ ng MOR 93.9 Legazpi. Paktapos magpasaya sa Daragang Magayon Festival, darayo naman sina Maja, Jane, Loisa, at Joshua sa Negros Occidental para sa selebrasyon ng Panaad sa Negros Festival ngayong Sabado (Abril 18), 6:00 p.m., sa Panaad Stadium. Ang Kapamilya Karavan ay hatid sa mga Kapamilyang Bicolano ng ABS-CBN Regional (unang nakilala bilang ABS-CBN Regional Network Group) ang nationwide TV at radio network ng ABS-CBN Corporation.
