HATAW! D'yaryo ng Bayan hatawtabloid.com
“W E’RE not back together. We’re not even trying, Walang ganoon,” giit ni Andi Eigenmann patungkol sa balitang nagkabalikan na sila ni Jake Ejercito.
Ayon kay Andi nang makausap namin ito sa presscon ng Your Place or Mine na pinagtatambalan nila ni Bret Jackson at handog ng Viva Films, very much single siya ngayon.
“In other people’s eyes, feeling nila, kami-hindi, kami-hindi. Kasi, bawat oras na magkasama kami, kami. Bawat oras na hindi, hindi kami.Hindi naman ganun, e. Siyempre, there’s more to it than that.
Nilinaw din ni Andi ang ukol sa umano’y ipina-DNA test ni Jake ang anak niyang si Ellie at ang resulta’y 99%. “I’ve never seen like an official paper for like as in DNA results. And I really can’t answer the question because I’m not aware of that, unless tulog kami ni Ellie tapos kumuha siya ng something (samples for the DNA test),” giit ng anak ni Jaclyn Jose.
Ani Andi, pwede naman siyang magpa-DNA kung sakali ngunit hindi niya na kailangan pa iyon.
Ang Your Place or Mine ay mapapanood na sa April 29 na idinirehe ni Joel Lamangan.
Samantala, pasado naman ang acting ni Bret kay Direk Joel. “Okay naman siya. Masunurin, ang problema niya eh hindi marunong mag-Tagalog kaya nahihirapan pa siya sa pagta-Tagalog. May twang twang siya. Hindi lang naman siya, pati ‘yung mga ibang artista sa loob, mga bata ngayon, may twang na.
“But they did so well, I mean, the emotions were there. Tama ‘yung gusto nilang gawin. Kaya nga lang, may difficulty sila sa language.”
Kaya naman daw hindi hindi ang mga ito ang nag-dub ng kanilang boses at ipina-dub sa iba.
At kung ipare-rate kay Direk ang acting ni Bret, “In a scale of 1-10, 7. Hindi naman siya 2 kasi may emotion, naiintindihan naman niya ang hinihingi sa kanya, may difficulty lang siya sa language. But what being asked of him, he can do it, he can deliver. He’s an intelligent boy. But he needs more exposure to acting.”
ni Maricris Valdez Nicasio
