HATAW! D'yaryo ng Bayan hatawtabloid.com
ni Roldan Castro
SUMAKAY ng tricycle si Willie Revillame mula sa isang restoran sa Tomas Morato hanggang sa Wil Tower Mall. Malapit lang naman ‘yun at kung tutuusin puwede ngang lakarin. Wala kasi siyang sasakyan ng oras na ‘yun .
Kung nakita ng mga detractor ni Kuya Wil ang pagsakay niya ng tricycle tiyak iintrigahin na naman nilang naghihirap na ito. Ha!ha!ha!
Nag-blow out kasi si Kuya Wil sa mga staff niya dahil natuwa sa balitang mataas ang ratings ng Kapuso Mo, Jessica Soho. May exclusive na panayam si Jessica sa kanya.
Senyales na sabik na talaga ang tao sa sikat na TV host.
Samantala, nagbabalikan ang mga endorsement ni Willie dahil sa pagbabalik niya sa telebisyon. Masuwerte at tiyak na sasaya na naman ang mga manonood ng Wowowindahil hindi lang jacket ang ipamimigay niya kundi pati cellphone. Nandiyan ang bagong ini-endorse niyang cellphone na kamakailan ay pumirma siya ng kontrata kasama sinaMs. Francesca De Guzman, product manager at Atty. Navarro, legal counsel ng nasabing produkto.
Tikom pa rin si Willie kung sino ang magiging co-host niya. Ang malinaw lang, hindi totoong kinausap niya si Mariel Rodriguez. Ang sure ay mga Kapuso star ang makakasama niya at pinagpipilian pa ngayon.
