Espina nagbitiw bilang PNP OIC

NAPAULAT na nagbitiw na bilang officer-in-charge (OIC) ng Philippine National Police si Deputy Director General Leonardo Espina.

Ito’y batay sa ilang sources sa Philippine National Police (PNP).

Ayon sa mga source, isinumite ni Espina ang resignation letter kay Pangulong Benigno “Noynoy” Aquino III ngunit hindi pa raw tinatanggap ng commander-in-chief.

Ngunit ayon kay PNP spokesman, Chief Supt. Generoso Cerbo, walang record ang pulisya sa napabalitang pagbibitiw ni Espina.

Kung may mga pagbabago man aniya, siya ang unang makaaalam.

Ayon pa kay Cerbo, simula noong Marso kung kailan napaulat din nag-resign si Espina bilang PNP OIC chief, ay patuloy siyang nagtatrabaho.

Katunayan ay na-promote pa aniya si Espina bilang Deputy Chief for Administration kaya wala aniyang basehan ang mga napaulat na resignasyon.

HNT