“Panaad” ni Roxas may pag-unlad sa Negros Island Region

Kaunlaran ng buong isla ng Negros sa pamamagitan ng ‘ONE Negros’ ang isinulong ni Interior and Local Government Secretary Mar Roxas sa pagdiriwang ng Panaad Festival sa Bacolod City, Negros Occidental.

“Sa pag-unlad, kailangan ang whole of Negros Approach – lahat tayo, sama sama,” ani Roxas.

Ayon kay Roxas, inilapit niya sa Pangulong Aquino ang Negros Island Region dahil ang Negros Occidental at Negros Oriental ang isa sa mga lalawigan na maliit ang pag-unlad kompara sa iba pang lalawigan na kasama nila sa ibang rehiyon.

Sinuportahan ni Roxas ang pag-iisa ng Negros Occidental na nasa Region 6 at ng Negros Oriental  na  nasa  Region  7, upang mas mapabilis ang paghahatid ng serbisyo sa mga mamamayan.

Isang hakbang sa Tuwid na Daan ang Negros Island Region (NIR) para mabilis ang pag-usad ng buong isla sa kaunlaran.

“Fast Forward sa One Negros at One Philippines!”  pahayag ni Roxas sa kanyang talumpati sa ika-22 Panaad Festival. Panaad ang salitang Hiligaynon sa katagang  ‘pangako’ sa wikang Filipino.