P.1-M reward vs killer ni Magsino

MAGKAKALOOB ng P100,000 pabuya si Senate President Pro-tempore Ralph Recto para sa sino mang makapagtuturo sa salarin na pumaslang sa dating journalist na si Mei Magsino sa lalawigan ng Batangas.

Ayon kay Recto, ido-donate niya ang naturang halaga sa bubuuing reward pool ng pamahalaan.

Iginiit ni Recto, dapat managot at maparusahan ang sino mang nasa likod ng krimen.

Hindi aniya dapat mapabilang ang pagpatay kay Magsino sa mga kaso ng mamamahayag na namatay sa ngalan ng katotohanan at hindi nabigyan ng katarungan.

Mariing kinondena ni Recto ang pagpatay sa kapwa Batangueño na bagama’t hindi na aktibong kagawad ng media si Magsino ay patuloy ang krusada sa paghahanap sa katotohanan sa mga isyu sa lipunan.

Hamon ni Recto sa mga awtoridad, tuldukan na ang ‘impunity’ sa bansa at resolbahin ang mga kaso ng pagpatay sa mga mamamahayag.