Status Quo hiniling ng CA sa DILG at Ombudsman (Suspensiyon tuluyang pinigil)

TULUYAN nang pinigil ng Court of Appeals (CA) ang ipinataw na preventive suspension ng Office of the Ombudsman laban kay Makati Mayor Junjun Binay. 

Naglabas ng writ of preliminary injunction ang ikaanim na dibisyon ng CA laban sa utos noon ng Ombudsman na suspindehin si Binay at iba pang opisyal ng lungsod ng Makati dahil sa mga alegasyon ng katiwalian kaugnay ng Makati City Hall Building II. 

Pinalalawig nito ang temporary restraining order (TRO) na inilabas din noon ng CA. 

Matatandaan, nagdulot ng kalituhan ang TRO na ipinalabas noon ng CA dahil bago ito maipalabas, naisilbi na ang suspensiyon kay Binay. 

Ngunit sa pinakahuling resolusyon na inilabas ng CA, hiniling nito sa Ombudsman at Department of Interior and Local Government (DILG) na irespeto ang status quo o ang sitwasyon bago ipinalabas ang suspension order.