P60-M halaga ng pananim sa Cotabato napinsala ng tag-init

PUMALO sa mahigit P60 milyon ang napinsala sa agrikultura sa Cotabato dahil sa tag-init. 

Apektado nang pagtaas ng temperatura ang mahigit 4,000 ektarya ng taniman ng bigas, mais at saging. 

Aabot sa 4, 539 magsasaka mula sa mga bayan ng Alamada, Banisilan, M’lang, Pigcawayan, Antipas, Kidapawan at Matalam, ang apektado ng dry spell. 

Ayon kay Cotabato provincial agriculturist Engr. Eliseo Mangliwan, ngayon lang ulit sila nakaranas ng tagtuyot makaraan ang halos anim taon na pag-ulan at baha.

Sa kabila ng pinsala, tiniyak ng agriculturist na hindi magiging mabigat ang epekto nito sa ekonomiya ng probinsiya at hindi magtataas ang presyo ng mga nabanggit na produkto.