Iniwan ng GF binatilyo nagbigti

KALIBO, Aklan – Dinamdam ng isang 17-anyos binatilyo ang pakikipaghiwalay ng kanyang girlfriend kaya nagbigti sa puno ng mangga sa likurang bahagi ng kanilang bahay sa Brgy. Polocate, Banga, Aklan kamakalawa.

Ayon sa mga kaanak ng biktima, nitong mga huling araw ay kalimitang nakatingin sa malayo at bakas ang kalungkutan sa mukha ng biktimang hindi muna pinangalanan, residente ng naturang lugar.

Hindi inakala ng mga kaanak na wawakasan ng biktima ang buhay sa pamamagitan ng pagbibigti sa puno ng mangga.

Buong gabi anilang hindi umuwi sa kanilang bahay ang biktima ngunit hindi nila akalain na makikita siyang nakabitin sa puno at wala nang buhay.

Narekober sa draft messages sa cellphone ng binatilyo ang isang text message na nagpapaalam sa kanyang kasintahan dahil sa hindi matanggap na pakikipaghiwalay ng girlfriend sa kanya.

Kasalukuyang iniimbestigahan ng pulisya ang naturang insidente.