Olongapo chief prosec pinapapalitan ng Laude camp

HINILING sa Department of Justice (DoJ) ng kampo ng Pa-milya Laude na palitan si Olongapo chief prosecutor Emilie De Los Santos bilang public pro-secutor sa kasong pagpatay sa transgender na si Jennifer Laude.

Ito’y kasunod ng sinasabing pagpupumilit ni De Los Santos na makipag-areglo sa kampo ng suspek na si US Marine Lance Corporal Joseph Scott Pemberton.

Ito ang hiling ni Julita Cabillan, ina ni Jennifer, sa liham na ipinadala ng pamilya kay De Lima nitong Lunes ng umaga.

Lumabas ang mga ulat na handang makipag-areglo ang pamilya ng pinaslang na transgender sa halagang P21 milyon kakabit ang ilang kondisyon sa pagkakakulong at pag-amin ng Amerikanong marino.

Nanindigan si Cabillan na hindi sila makikipag-areglo ngunit nakadepende sa posisyon ng kanilang mga abogado kung anong aksyon ang gagawin nila sa plea bargaining.

Kaugnay nito, muling iginiit ni Atty. Harry Roque, legal counsel ng mga Laude, sa pagdinig kahapon, ididiin nila muli ang hindi nila pagpayag sa plea bargain.

Kung meron aniyang gustong makipag-areglo sa kabila ng pagtanggi ng Pamilya Laude, ay si De Los Santos ito.

“Malinaw po na itong si Fiscal De Los Santos ay ayaw na niyang ipaglaban ‘yung ninanais ng pamilya Laude na magkaroon ng katarungan,” ani Roque.

“In fact, ang huling binitawan niyang salita, magpi-plea bargain kami, papayagan ko si-yang umamin sa homicide at ituloy ninyo ang civil aspect of the case.”