Katorse dinonselya ng ama

CANDELARIA, Quezon – Maagang napariwara ang kinabukasan ng isang 14-anyos dalagita makaraan gahasain ng kanyang ama sa Brgy. Kinatihan 1 sa bayang ito.

Itinago ang biktima sa pangalang Nene habang ang suspek ay si alyas Paeng, 60, kapwa naninirahan sa Brgy. Base ng naturang bayan.

Ayon sa imbestigasyon ng pulisya, naganap ang unang insidente noong Marso 18, 2015 dakong 3 p.m.

Aniya, inutusan siya ng ama na maglatag ng banig at sila ay matutulog ngunit sinabi niyang hindi siya inaantok.

Ngunit nagalit ang kanyang ama, kumuha ng tubo at hinampas siya sa ulo kaya nawalan siya ng ulirat.

Nang magising ang biktima ay wala na siyang saplot sa katawan at masakit ang kanyang kaselanan

Kamakalawa ay muli siyang ginahasa ng kanyang ama kaya nagpasya ang biktimang magsumbong na sa kanyang nakatatandang kapatid na babae. At pagkaraan ay magkasama silang dumulog sa himpilan ng pulisya.

Kasalukuyan nang tinutugis ng mga awtoridad ang suspek na sasampahan ng kasong rape at child abuse.

Raffy Sarnate