135 pamilya inilikas ng PNP sa kanilang bagong bahay

Halos 135 pamilyang biktima ng sunog sa Barangay 201, Pasay City ang tinulungang lumikas ng mga opisyal ng National Capital Region Police Office (NCRPO) patungo sa kanilang lilipatang mga bahay.

Ayon kay Interior and Local Government Secretary Mar Roxas, hindi lang sunog kundi ang Cutcut Creek ang nagbabanta sa buhay at kaligtasan ng mga residenteng inilikas.

“Their safety is our top priority,” pahayag ni Ro-xas.

Idineklara ng DILG ang Cutcut Creek bilang isa sa mga pinakadelikadong waterways sa Maynila sa ilalim ng OPLAN LIKAS, ang programang tumutulong na ialis ang mga informal settler families (ISFs) sa mga lugar na hindi ligtas tirahan ng tao.

Kasama ang mga opis-yal ng Lungsod ng Pasay, inihatid ng NCRPO ang mga lumikas sa mga handog na bahay ng National Housing Authority (NHA) sa Barangay Cabuco, Trece Martires, Cavite.

Makakatanggap din ng halagang P18,000.00 ang bawat pamilya mula sa Department of Social Welfare and Development (DSWD) bilang panimulang tulong sa kanilang pag-lipat.

Nagpasalamat naman ang Lungsod ng Pasay sa mga pulis na tumulong sa paglilipat-bahay ng kanilang mga ISFs sa mas ligtas na komunidad.