Raymart Santiago pinagmulta ng korte sa forum shopping

 PINAGMULTA ng korte ng P30,000 ang aktor na si Raymart Santiago dahil sa indirect contempt.

Ito ay makaraan hatulan ng Marikina City Regional Trial Court ang aktor bilang guilty sa forum shopping.

Bukod dito, kailangan din ni Santiago at mga abogado niya na magmulta ng tig-P2,000 para sa direct contempt.

May kaugnayan ito sa custody case na inihain ni Raymart na humihiling na ibigay sa kanya ang kustodiya ng dalawang anak nila ng dating misis na si Claudine Barretto.

Ayon sa korte, nagsinungaling si Santiago nang magsumite ng maling certification na hindi siya naghain ng ano mang mosyon sa korte gayong nag-file siya ng sariling petisyon makaraang matanggap ang hirit ni Claudine na temporary protection order laban sa aktor.

Wala pang reaksyon ang kampo ni Raymart sa desisyon ng korte.