Suspension vs Binay pinigil ng CA  

NAGPALABAS ng temporary restraining order (TRO) ang Court of Appeals (CA) laban sa suspensiyon ni Makati Mayor Junjun Binay.

Batay sa desisyon ng CA, tatagal ng 60 araw ang TRO.

Kahapon ng umaga nang isilbi ng Department of Interior and Local Government (DILG), ang suspension order ng Ombudsman sa Makati City Hall.

Agad nanumpa bilang acting mayor ng Makati si Vice Mayor Romulo “Kid” Peña.

Ngunit bunsod ng desisyon ng Court of Appeals, mananatili pa ring alkalde ng Makati si Binay.

Una rito, iginiit ni Binay na ilegal ang suspension order ng Ombudsman at pakana ni DILG Secretary Mar Roxas.

Samantala, itinakda ng CA ang oral argument sa petisyon ng alkalde sa Marso 30-31.

Bago ito, iniutos ng Office of the Ombudsman ang suspensiyon kay Binay at 15 iba pa sa loob ng anim buwan nitong Marso 11 dahil sa alegasyong may anomalya sa pagpapatayo ng Makati City Hall Building II.

Nitong nakaraang linggo, nananatili at natutulog si Mayor Binay sa city hall habang nagbabantay sa labas ang kanyang mga supporter.

Jaja Garcia