Lola tiklo sa P1-M shabu sa Davao

DAVAO – Nakakulong na ang isang lola makaraan makuha sa kanyang posisyon ang ilegal na droga habang nasa Tagum City Overland Transport Terminal kamakalawa

Kinilala ang suspek na si Natividad Papaya Pansit, 60, may asawa, residente ng Mt. Diwata, Diwalwal, Monkayo, Compostela Valley Province.

Naaresto ng mga awtoridad ang nasabing lola sa buy-bust operation ng mga pulis at nakuha sa kanyang posisyon ang 50 gramo ng shabu na nagkakahalaga ng halos P1 milyon.

Ayon kay Chief Insp. Francis Sonza, hepe ng Davao del Norte Criminal Investigation and Detection Group, hinihinalang drug courier ang suspek.

Inaalam pa ng pulisya kung sino ang nagpapadala ng ilegal na droga sa matanda.