Pinagalitan ng ina dalagita nagbitay (Ginabi sa pag-uwi)

BACOLOD CITY – Nagbigti ang isang 17-anyos dalagita makaraan pagalitan ng kanyang ina bunsod ng pag-uwi ng gabi sa kanilang bahay sa lungsod na ito kamakalawa.

Hindi na naisalba sa ospital si Shaira Brion, residente ng Hacienda Arabay, Brgy. Vista Alegre, Bacolod City makaraan maputol ang kanyang lalamunan nang talian ang kanyang leeg ng electric wire na nakasabit sa punong kahoy.

Sa impormasyon mula sa pulisya, pinagalitan ng ina ang biktima dahil malalim na ang gabi nang umuwi mula sa paaralan.

Dahil sa sama ng loob, kinitil ng dalagita ang kanyang buhay.

Isinugod sa Corazon Locsin Montelibano Memorial Regional Hospital ang biktima ngunit nalagu tan ng hininga habang nilalapatan ng lunas.

Binatilyo naglambing sa ina bago nagbigti

NAGA CITY – Palaisipan sa isang pamilya ang dahilan nang pagpapakamatay ng kanilang kaanak sa Jose Panganiban, Camarines Norte kamakalawa.

Kinilala ang biktimang si Gelmar Encontro, 18-anyos.

Nabatid na naglalaba si Marites Encontro, ina ng biktima, nang marinig niya ang sigaw ng isa niyang anak na si Jemark.

Nang tunguhin ang kwarto ni Gelmar ay nakita niyang nakabitin na ang anak.

Ayon sa ina ng biktima, ilang oras bago ang pangyayari ay makailang ulit siyang niyakap ng kanyang anak habang sinasabing mahal na mahal siya.

Walang alam na dahilan ang pamilya ni Gelmar para gawin ng biktima ang pagpapakamatay.