Kelot nahati sa tren (Nag-antanda ng krus saka tumalon sa riles)

NAHATI ang katawan ng isang lalaki makaraan magpasagasa sa rumaragasang tren sa Tondo, Maynila kamakalawa ng gabi.

Ang biktimang hindi pa nakikilala ay tinatayang may edad 30 hanggang 35-anyos, at nakasuot ng t-shirt at maong pants.

Sa ulat ni Supt. Jose Villanueva, station commander ng Manila Police District (MPD)-Station 7, dakong 6 p.m. nang naganap ang insidente sa riles ng tren na sakop ng Yuseco St., Tondo.

Nabatid kay Eric Zaragoza, 35, crossing keeper, kasalukuyan siyang nagmamando ng trapiko sa nasabing lugar nang mapansin niya ang biktimang nakatayo malapit sa riles.

Pagdating ng tren mula Alabang ay nag-‘sign of the cross’ ang biktima saka tumalon sa riles na naging dahilan upang siya’y masagasaan siya mahati ang katawan.

Leonard Basilio