Empleyado todas sa hit and run sa EDSA

PATAY ang isang empleyado makaraan ma-hit and run ng isang van habang tumatawid sa kahabaan ng EDSA Avenue, Makati City kahapon ng madaling araw.

Namatay noon din ang biktimang si Gary Damayo, nasa hustong gulang, isang sales employee sa hindi binanggit na mall.

Base sa ulat ng Makati City Police Traffic Bureau, naganap ang insidente dakong 3 a.m. sa south bound lane ng EDSA Avenue, Brgy. Guadalupe Viejo, Makati City.

Batay sa kasamahan ni Damayo na si Donald Esmedya, tinangka ng biktima na tumawid bagama’t pinagsabihan niyang delikado.

Lingid sa kaalaman ng biktima, parating ang isang humaharurot na van at siya ay nasagasaan.

Jaja Garcia