Anak 5 taon sex slave ng ama

GENERAL SANTOS CITY – Kalaboso ang isang ama nang mabunyag na limang taon niyang ginagahasa ang sariling anak na babae.

Ayon kay SPO1 Mae Villa ng Malungon PNP, ang suspek ay kinilalang si alyas Rolly, ng Nagpan, Malungon, Sarangani Province.

Sinabi ni Villa, 8-anyos pa lamang ang biktima nang simulang gahasain ng suspek hanggang maging 13-anyos.

Nabulgar ang pang-aabuso ng ama nang malaman ng kaklase ng biktima at ipinaalam sa kanilang guro at sa principal.

Bunsod nito, humingi ng tulong ang mga guro sa Municipal Social Welfare and Development Office (MSWDO).

Agad umaksyon ang MSWDO at sa tulong ng pulisya ay naaresto ang suspek.

Inamin ng ama ang ginawa sa kanyang anak at humihingi ng tawad.