Pink Bus aarangkada sa Lunes

AARANGKADA na sa Lunes ang ‘Pink Bus’ para sa mga kababaihan, menor de edad, nakatatanda at may kapansanan, kasabay ng pagdiriwang ng Women’s Month ngayong buwan. 

Ayon kay Land Transportation Franchising and Regulatory Board (LTFRB) Chairperson Winston Ginez, mayroong rutang Cainta, Rizal papuntang Quiapo, Maynila ang Pink Bus ng RRCG Transport.

Bibiyahe araw-araw ang Pink Bus mula 4 a.m. hanggang 9 a.m. at 4 p.m. hanggang 10 p.m.

Sa Lunes, 9 a.m. pasisinayaan ng LTFRB ang Pink Bus, na ikatlong pampulikong sasakyang itinalaga ng ahensya para sa nabanggit na sektor. 

Una nang umarangkada ang operasyon ng mga Pink Jeepney at Pink Utility Vehicle (UV) Express habang inaasahan ng LTFRB na madaragdagan pa ang Pink Bus.