Breath analyzer vs drunk driving gagamitin ng LTFRB sa March 12  

GAGAMIT na ng mga breath analyzer ang Land Transportation Office (LTO) simula sa Huwebes para sa pagpapatupad ng Anti-Drunk and Drugged Driving Act of 2013.

Ang breath analyzer ang tutukoy sa level ng alkohol na nainom ng isang driver. 

Ayon kay LTFRB Chairman Winston Ginez, aarangkada ang paggamit sa breath analyzer makaraan ang re-training mula sa Marso 10 hanggang 12 ng mga composite team na magpapatupad sa hakbang, na binubuo ng LTO, Metropolitan Manila Development Authority (MMDA), local government unit (LGU) at Philippine National Police (PNP).

Marso 12 ng gabi, uumpisahang gamitin ang mga breath analyzer.

Target aniya ng pagtatalaga ng composite teams na binubuo ng iba’t ibang ahensya, na maiwasan ang ano mang posibleng harassment sa mga motorista. 

Mahaharap ang mga professional driver ng four-wheel vehicles sa tatlong buwan pagkakakulong, multang P20,000 at anim buwan hanggang isang taon suspensyon ng lisensya para sa paglabag na hindi magreresulta sa aksidente sa kalsada. 

Tataas pa ang multa at parusa sakaling makapagdulot ng physical injury o homicide sa ibang motorista ang lasing na driver.