Hangarin sa romansa ‘masasalamin’ sa tahanan

‘MASASALAMIN’ ba sa inyong tahanan kung ano talaga ang mahalaga sa iyong buhay, at kung ano ang iyong nais sa magiging kapareha sa buhay?

Halimbawa, kung ang kalikasan, sports activities at iba pang outdoor activities ay mahalaga sa iyo, “nasasalamin” ba ang mga ito sa inyong bahay? Mayroon bang tent na nakatago sa inyong closet? Mayroon ka bang mga larawan ng iyong sarili, pamilya at mga kaibigan, habang nagsasagawa ng outdoor activities?

Kung ang iyong nais ay isang tao na spiritual at matalino, o “thinker,” pumili ng mga aklat at ilagay sa knowledge and spiritual trigram ng inyong bahay.

Kung nais mo naman ng isang tao na kapareho mong mahilig sa pagluluto at pagkain, mag-display ng cookbooks sa inyong kusina at palaging ingatan ang cooking tools. Maaari ka ring mag-display ng copper pots and pans mula sa ceiling hooks ng kusina.

Kung hindi nagre-reflect sa bahay ang alinman sa iyong hilig o aktibidad, maaaring hindi ito ang lugar na ikaw ay komportable. Ito ay maaaring makaapekto sa iyong enerhiya, kompyansa at kakayahang makapag-isip nang malinaw, gayondin sa oportunidad na makahikayat ng partner na kapareho mo ng hilig.

Sa kabilang dako, kung ang nais mo ang espisipikong katangian ng partner ngunit hindi ito nagre-reflect sa inyong bahay – ito ba talaga ang iyong nais sa true love? Maaaring dapat kang bumalik sa drawing board at muling i-visualize ang iyong perfect mate na nababagay sa iyo.

ni Lady Choi