HATAW! D'yaryo ng Bayan hatawtabloid.com
ni Roldan Castro
UMIYAK si Joross Gamboa sa seremonya ng kasal nila ni Katz Saga noong Sabado, Nov. 29 sa Fernbrook Gardens sa Portofino South Daang Reyna, Las Pinas. Masaya ang nasabing Christian Wedding na tinusok-tusok ni John Lloyd Cruz si Joross ng pin habang isinasabit ang veil kaya napasigaw ito ng ‘aray ko, aray ko’.\
Comedy din ang outfit ni Ketchup Eusebio bilang coin berrer na nagmukhang Sto. Nino.
Naging abay din ang barkada ni Joross na si JM De Guzman.
Magaling talagang makisama si Joross dahil pinutol ni Lloydie ang kanyang bakasyon with Angelica Panganiban sa US para makadalo lang sa kasal ng kaibigan. Huminga muna ng break si JLC nang kumustahin namin kung ano na ang status niya ngayon sa ABS-CBN 2.
Si Sandara Park ay dumating din galing Korea bilang reunion ng Star Circle Quest 1. Si Hero Angeles lang ang hindi nila makontak pero nandoon din si Melissa Ricks na malaki na ang tiyan at manganganak daw sa January. Late naman dumating si Joseph Bitangcol kaya hindi sila nagtagpo ng kanyang ex na si Sandara na hindi na namin nakita sa reception. Kasama naman ni Joseph ang girlfriend niyang theater actress na si Chesca Tonson. Nandoon din si Raphael ‘RJ’ Martinez na kasama rin ang girlfriend na si Lovely Yabao.
Dumating din ang mga ninong at ninang na sina Chairman Richard Gordon, Kapamilya Comedy Business Unit Head Linggit Tan-Marasigan, Direk Olive Lamasan, TV5 executive Joanne Banaga. Dumalo rin ang malapit kay Joross na si Direk Cathy Garcia Molina na ayaw mag-ninang pero nangakong darating.
Nakita rin namin ang kapatid ni Joross sa kuwadra ng kanyang talent manager/ninong na si Noel Ferrer gaya nina Bayani Agbayani, Marco Alcaraz with Lara Quigaman-Alacaraz, Luis Alandy. Nandoon din sina Jhong Hilario, Cacai Bautista, Eruption, Cholo Barretto atbp.. Nagsilbing host si JC Cuadrado sa program ng reception.
Congrats at best wishes kina Joross at Katz!
