Pinakaseksing lalaki sa mundo

Kinalap ni Tracy Cabrera

AYON sa US magazine People, pinangalanan si Australian actor at “Thor” avenger Chris Hemsworth bilang pinakaseksing lalaki sa mundo.

Inihayag ang parangal kay Hemsworth, 31, sa late night US TV show ni Jimmy Kimmel sa ABC at maging sa magazine na rin.

Sa panayam sa nasabing programa sa telebisyon, sinagot ng aktor habang nasa Australia ang ilang katanungan mula sa American TV audience. Sa simula pinahulaan muna ni Kimmel kung sino ang binansagang pinakaseksing lalaki.

“Kapag nahulaan n’yo ng tama, makikipag-make love sa iyo ang pinakaseksing lalaking buhay, kaya malaki ito. Bibigyan ko kayo ng tatlong clue. Sexy siya, isang lalaki, at buhay na buhay siya!”

Nasa banda ba siya? Hindi. Labis 35 ang edad? Mali pa rin.

“Mabalahibo ka ba?” tanong ng isang lalaking de balbas at nakakalbo mula sa audience, nakangiti.

“Dito lang sa itaas,” tugon ng sinasabing pinakaseksing lalaki na nakamaskara sa mukha.

Fast forward: at natumbok din ng audience na hindi Amerikano ang lalaki, at isang actor na gumanap bilang superhero sa pelikula, at may dalang martilyo: Si Thor ba sa Marvel Studios superhero movies? Bingo!

Ang naging award ni Hemsworth ay isang maliit na facial mirror.

“May masasabi ka ba sa mga natalo, partikular na si Matt Damon?” tanong ni Kimmel.

“I like everything there is about being sexy. Thank you, Matt, at sa iba pang mga kalalakihan. Ibinatay ito sa IQ test, hindi lang sa physical appearance,” ani Hemsworth.

Nang tanungin kung sino ang nais niyang pasalamatan sa karangalang natanggap, tumugon ang aktor, “Mga magulang ko, I guess, for putting this together.”