HATAW! D'yaryo ng Bayan hatawtabloid.com
ni Ambet Nabus
NAKAKADALAWA na si Jed Madela na mabugbog ng kantiyaw at batikos dahil sa sinasabi nilang pagiging iresponsable nito sa pagpu-post sa social media.
Hindi nga ba’t kinuyog na siya rati ng Kathniel fans nang piktyuran ang sinasabing “kalat” (hindi naubos na pagkain dahil agad na tinawag for take) ng mga ito sa isang event sa Araneta Coliseum noon?
Tapos ang latest nga ay ang pagpaparunggit naman niya sa kung sino (o mga sino-sino?) na ginamitan pa niya ng salitang “monkeys” patungkol sa kanyang disgusto on something habang nasa Cagayan de Oro (CDO) siya.
Nag-sorry na si Jed at nilinaw naman ng CDO government na wala silang sinasabing idedeklara nila itong persona non grata, pero “nganga” pa rin ang lahat sa kung sino (o sino-sino?) ang binabatikos ng magaling na singer sa kanyang post.
May nagsasabing ang mga tao umano sa ASAP ang pinatutungkulan ni Jed dahil nga raw marami itong hindi gusto sa kanyang participation sa programa, including his doing duets with new singers.
Mismong si Kris Aquino na ang nag-advice kay Jed na maging maingat ito sa pagpu-post ng mga emosyon sa social media at kung mayroon man itong pinatatamaan ay agad na nitong pangalanan upang hindi na lumalala ang isyu!
Hay…
