HATAW! D'yaryo ng Bayan hatawtabloid.com
Mukhang malayo ang magiging future ng “Bagito” na pinagbibidahan ni Nash Aguas at ng love-team na si Alexa Ilacad na palabas na simula nga-yong Lunes (Nobyembre 17) bago mag-TV Patrol sa Primetime Bida ng Kapamilya network. Three days ago, bago ipalabas ang nasabing teleserye ay nag-#1 spot na agad sa trending topic sa Pilipinas ang vteaser nito. Hindi lang sa social media pinag-uusapan ang Bagito kundi maingay rin sa bagets generations dahil kwento nila ito specially sa mga young Daddy na tulad ng ginagampanan ni Nash sa serye nila ni Alexa. Very challenging ang role ni Nash bilang si Drew na katorse anyos, 2nd year High School student na kahit nagbibinata na ay immature pa rin. Kaya madalas siyang mapagalitan ng kanyang mga magulang. Sa murang edad dahil wala pang kaalaman pagdating sa pag-ibig ay natukso si Drew sa babaeng unang nagpatibok ng kanyang puso at gustong maging syota na si Vanessa (Ella Cruz). Nabuntis niya ang dalaga, paano niya iha-handle ang sitwasyon lalo pa’t wala si-yang alam sa ganitong responsibilidad. Bago pa ang Kapamilya young actor (Nash) ay buong ta-pang nang ginampanan noong 1985 ni Aga Muhlach ang nasabing papel sa Miguelito Batang Rebelde at JM de Guzman sa Angelito Batang Ama. Base sa aming narinig, mahusay ang performance ni Nash sa serye kaya’t pwede siyang mapasama sa mga nominadong Best Drama Actor sa susu-nod na taon. Gaganap naman si Alexa bilang Camille, 14 years old. Anak ni Sylvia (Agot Isidro). GF ni Drew. Malaki ang expectations sa kanya ng na-nay niya, kaya ma-dalas siyang napi-pressure sa mga gawain sa school. Part rin ng youth oriented drama program sina Ariel Rivera, Angel Aquino at ang Kapamilya bagets stars na magi-ging barkada ni Drew na sina John Bermundo, Grae Fe-r-nandez, Joaquin Reyes, Alexander Diaz, Paolo Santiago, Brace Arquiza at marami pang iba. Si Direk Onat Diaz ang director ng serye na maagang pamaskong-handog sa inyo ng Dreamscape Entertainment at ABS-CBN.
ni Peter Ledesma
