Sex scandal ni Camnorte Gov. Edgardo Tallado (Rason kaya tinakasan ni kumander)

KAKAIBA rin ang eskandalong sex and politics na kinasasangkutan ngayon ni Camarines Norte Governor Edgardo Tallado.

Luha ng buwaya pala ang ipinakita ni Gov. Tallado nang magpa-press conference nitong nakaraang Sabado para sabihin sa publiko na nawawala at kinidnap ang kanyang asawa.

Ang katotohanan pala noon, nag-iiiyak ang talantadong ‘este’ talentadong si Tallado dahil ‘natakasan’ siya ng asawang ilang araw na umano niyang isinailalim sa sariling ‘house arrest’ o detensiyon sa kanilang bahay.

Sa TV interview kay Misis, labis ang takot niya kay Gob dahil nakita niya na nagsukbit pa ng baril na hindi naman dati ginagawa ng mister nya.

Tsk tsk tsk…malinaw na violation ng Republic Act 9262 ‘yan Gov. Tallado …

Ini-house arrest daw ni Tallado ang kanyang misis matapos maglabasan sa internet ang mahalay na retrato ng kanyang 28-anyos na kept-woman at pinagbintangan ang una na siyang nag-upload sa Facebook.

Sinabi ng misis ni Tallado, may nakatagong baril sa likod ng bewang ang kanyang asawa nang sitahin siya hinggil sa lumabas na hubad na larawan saka pinasabog ng gobernador ang laptop sa pamamagitan ng nasabing armas.

Matagal na palang nagtitiis si misis sa pambabae at iba pang uri ng kataksilan ni Gov. Tallado sa katunayan mayroon na siyang battered wife syndrome, pero nitong huli ay hindi na nakatiis kaya nang makatiyempo ay lumayas sa poder ng asawa.

Buti na lang at naging mabait ang panahon at pagkakataon nang maisipan ni misis na takasan ang kanyang asawa at mayroon siyang pambili ng kotse kaya tuluyan siyang nakatakas.

Interior and Local Government Secretary Mar Roxas, ano kaya ang gagawin mo rito kay talantado ‘este’ Tallado na miyembro ng Liberal Party?!

Babaero na, wife batterer pa!