HATAW! D'yaryo ng Bayan hatawtabloid.com
DALAWANG media practitioner na miyembro ng Northern Police District Tri-Media Organization (NPD-TMO) ang iniulat sa inyong lingkod na nawawala.
Naganap ito nitong nakaraang linggo nang ipahuli nina Romy Santos ng dzXL 558 at Dong Sarcida ng Weekly Pinoy Patrol ang isang tupadahan na ang sinasabing operator ay isang pulis-CIDG na kinilala sa alyas na HENER.
Ayon sa info na ipinasa sa atin, ang tupadahan umano ni alyas Hener ay nag-o-operate sa Shelter sa Barangay 171 North Caloocan.
Gusto umano ng grupo nina Santos at Sarcida na ipasara ang tupadahan dahil pinagmumulan ng iba pang krimen gaya ng pagnanakaw at pagtutulak ng ilegal na droga.
Labing anim (16) katao umano ang nahuli. Pagkatapos na pagkatapos ng nasabing operation ay nawala na rin sina Santos at Sarcida kasabay ng mga nahuli sa tupadahan.
Hindi natin alam kung gaano kalalim ang isyung nasasangkot sa pagkawala nina Santos at Sarcida.
Pero bilang isang mamamahayag at mayroong mataas na pagpapahalaga sa karapatang pantao, wala pong karapatan ang sino man na piliting sumama ang isang tao sa kanila kung ayaw, lalo na kung may masamang intensiyon sa kanyang buhay.
Nanawagan ang pamilya nina Santos at Sarcida sa mga awtoridad, sa Alab ng Mamamahayag (ALAM), sa National Press Club (NPC), Kapisanan ng mga Brodkaster ng Pilipinas (KBP) at sa National Union of Journalists in the Philippines (NUJP) na tulungan silang makita ang kanilang mahal sa buhay na sina Santos at Sarcida.
Lubhang nakaaalarma ang sitwasyon ng mga mamamahayag sa Northern Metro Manila.
Hindi pa natin nalilimutan ang pagpaslang kina Alberto Orsolino at Maria Len Flores Somera.
At ngayon ang pinaka-latest nga ‘e ang pagkawala nina Santos at Sarcida.
Paging PNP Caloocan COP S/Supt. Ariel Arcinas, imbestigahan ninyo ang pagkawala nina Santos at Sarcida!
ANG HACIENDA NI VICE PRESIDENT JEJOMAR BINAY…BOW!!!
WALA tayong masabi sa napaka-state-of-the-art na hacienda (all-in-one) ni Vice President Jejomar Binay o ng Pamilya Binay.
E talaga namang dinaig ng mga Binay ang iba pang bigtime na politiko at mga Taipan.
Ito po, silipin natin ang P1.2-billion hacienda ng pamilya Binay sa Rosario, Batangas.
Mayroong one two-storey mansion with a resort pool and pavilion; isang air-conditioned piggery na ipinagawa ni Dr. Elenita, dati rin Makati mayor, para raw hindi mangamoy at huwag langawin ang “mansion.”
Makikita rin sa hacienda ang farm ng imported na orchids; horse ranch; garden maze na ginaya sa Kew Gardens sa London; four-car garage and staff house; dalawang manmade lagoons; guesthouse; aviary; fighting cock farm with breeding and practice areas; at iba’t ibang estruktura para sa pamilya Binay.
What the fact!?
Nag-umpisa lang umano sa 1,000-square meter lot sa Barangay Maligaya kapalit ng legal fees noong abogado pa siya hanggang unti-unti raw mabuo sa apat na barangay ang kabuuan ng hacienda.
Maikokompara umano ang laki nito na halos kalahati ng San Juan o apat na Luneta Park o sampung Araneta Center.
Nakalululang kayamanan.
Kumbaga, hindi na lamang si dating First Lady Imelda Marcos ang pwedeng bansagang ‘Imeldefic.’
Ultimo si Dra. Elenita Binay pala ay maikakategorya na rin bilang Imeldefic dahil d’yan sa ipinatayo niyang air-conditioned piggery.
Sabi nga ni dating Vice Mayor Ernesto Mercado, “Alam ko po iyan kasi ako ang tagapaghatid ng feeds at ako rin ay katulong diyan (I know because I used to deliver the feeds and I also helped out there).”
Ngayong unti-unti nang naglalabasan ang mga kayamanan ng pamilya Binay, huwag tayong magtaka kung mayroon pang susunod.
Pero ang ipinagtataka natin habang naglalabasan ito, e bigla namang naging tuloy-tuloy ang pamimigay ng titulo/pabahay ni VP Binay sa mahihirap nating kababayan.
Aba ‘e tanggapin ninyo at huwag pong kalilimutan na ‘yan ay hindi sa sariling bulsa niya galing kundi sa pera ng bayan!
Huwag na po kayong paloloko at palilito!!!
HAPPY BIRTHDAY KAIBIGANG DING SANTOS
UNA binabati natin ng maligaya at makabuluhang birthday si kaibigang Ding Santos.
Ang kaibigan nating napakalakas ng fighting spirit. Hindi nagsasawa sa pagkatal0 sa politika dahil sa hangarin niyang makapaglingkod nang tunay sa Pasay City .
Huwag kang mag-alala kaibigang Ding, darating din ang iyong swerte sa politika hindi pa lang nai-schedule ni Lord …
Kasama mo kami sa paghihintay sa araw na iyon!
Happy birthday ulit!
IMMIGRATION OFFICER ‘PALUSOT Y PATALON’ NA-PROMOTE AT NAMAMAYAGPAG SA ILOILO AIRPORT!? (ATTN: SOJ LEILA DE LIMA)
HINDI tayo natutuwa sa naging promosyon ng isang dating Immigration Officer 1 (IO1) na nasangkot sa iba’t ibang anomalya sa Immigration Cebu Mactan airport.
Ang nasabing IO1 ay isa na ngayong IO2.
Noong IO1 pa si IO2, nasangkot ang kanyang pangalan sa pagpapalusot ng mga Bombay sa Cebu International Airport.
Nalaman ang nasabing ‘palusot’ dahil na-traced sa kanyang ‘tatak’ (Immigration stamp).
Maraming nagreklamo laban sa nasabing IO dahil sa nasabing insidente.
Pero imbes maindulto, aba na-promote pa pala bilang IO2 at nailipat sa Iloilo Airport. Dito po sa airport na ito ay may direct flight na Iloilo to Singapore and vice versa.
Kapuna-puna na maraming kaso ng pasahero ang na-airport-to airport o ‘yung mga ‘tatalon’ papuntang Lebanon at ang tatak ay sinasabing sa kanya naman.
Aba, Iloilo Airport Immigration Supervisor chief, Noel B. Angeles, bakit maraming kaso na-A-to-A kapag umaalis d’yan sa airport ninyo!?
Hindi ka ba nakahahalata?!
O napapalusutan ka ng mga bataan mo d’yan?
Mukhang mayroong milagro na naitatago sa inyo d’yan?
Paki-tanong mo nga kay, IO1 Ariel Reyes?!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
