HATAW! D'yaryo ng Bayan hatawtabloid.com
SINO’NG nagsabing natutulog sa pansitan ang Philippine Drug Enforcement Agency (PDEA)? Sino!? Naku lagot kayo kay Jimmy M. n’yan.
Sino’ng nagsabi rin na tila natatalo na ng Quezon City Police District, District Anti-Illegal Drug (QCPD-DAID) na pinamumunuan ni S/Insp. Roberto Razon, sa huli ang PDEA dahil sa sunod-sunod na malalaking huli ng QCPD? Sino!? Sino ba Jimmy Boy? Hindi ako ha! He he he…
Wala naman daw nagsasabing ganoon ang PDEA Pareng Jimmy Boy at sa halip, kinakatok lang ang PDEA dahil sa nagkalat na naman ang droga sa bansa. Di ba nga, panghuhuli at pagsugpo kasi ng droga/drug syndicate ang pangunahing trabaho ng PDEA? Tama!
Infairness naman sa PDEA, hindi naman sila nagpapabaya. Katunayan ay marami-rami na rin silang nahuli at napakulong na mga drug dealer. Iyon nga lang, ang ibang huli nila kahit na may sapat na ebidensiya ay pinawawalangsala ng korte. Ewan kung bakit nagkaganoon. Sa magkanong halaga kaya nabibili ang ilan sa taga-korte? Ops, hindi naman sila nagbibili kundi baka lang naman nagkaroon ng technicalities kaya, napapawalang sala ang huli. Ganoon ba ‘yon?
Ano pa man, muling ipinamalas ng PDEA kamakailan na buhay na buhay ang ahensya at patuloy sa pagtrabaho. Heto nga, nakatsamba uli sila. Wow, hindi naman tsamba ‘yan kundi talagang dugo’t pawis ang kanilang itinaya para lamang mawasak ang malaking pagawaan ng shabu sa Pampanga. Tama ba ‘yon Jimmy Boy?
Sa isinagawang operasyon ng PDEA kasama ang PNP Anti-Illegal Drugs Special Operations Task Force, dalawang malalaking shabu lab lang naman ang kanilang pinilayan sa San Fernando, Pampanga. At take note, hindi lang 10 kilong shabu ang nakumpiska kundi 1,100 kilos na nagkakahalaga ng P7 billion. Hanep! Barya! He he he… laking huli nito ha sir Derrick Arnold Carreon, PDEA spokeman.
Congratulations po sa inyo diyan sa PDEA.
Bukod sa pagkakakumpiska sa nabanggit na ilegal na droga maging ng mga kagamitan ng pagluluto ng shabu, apat na dayuhan na pawang Chinese national ang naaresto, batid ko’y kinasuhan na ang apat. Naku po, bantayan po ninyo ‘yan sir Derrcik, baka magugulat na lamang tayo pagkalipas ng ilang buwan ay biglang palalayain ng korte ang apat. Released for further investigation. Sayang ang trabaho kapag mangyari ito.
Ano pa man, malaki pa rin ang tiwala natin sa korte natin. Oo sa korte pero ang mga nagpapatakbo ng korte, paano? Ano sa tingin mo Jim Boy?
Mga nadakip at kinasuhan ay sina Jason Lee, Willy Yap, at Near Tan, ng Xiamen, China; at Ying Ying Huang, alias “Sophia,” ng Fujian, China.
Unang sinalakay ng PDEA at PNP ang laboratory sa Greenville Subdivision, Barangay San Jose. Dito nahuli sina Lee, Yap at Tan.
Nakumpsika ang 910 kilong shabu bukod pa sa 250 kilong ephedrine, isang precursor sa paggawa ng shabu.
Ikalawang sinalakay ang shabu lab sa kanto ng Rome at Moscow streets sa Richtown I Subdivision, Barangay Sindalan. Nadakip dito si Huang na nakumpiskahan naman ng 200 kilong shabu.
Authorities are still making an inventory of the all the seized items.
Ang apat na nadakip ayon kay Carreon ay pawang miyembro ng “Chua drug syndicate,” na matagal na rin minamanmanan ng tropa ng gobyerno.
O hayan, sino’ng nagsabing walang ginagawa ang PDEA?
Uli, PDEA Director Arturo Cacdac, saludo ang taumbayan po sa inyong lahat diyan sa PDEA. Ang gagaling n’yo.
Paalala lang, bantayan po ninyo ang mga nakumpiska at baka may sira ulo diyan na mga ahente at pairailin ang “recycle system.”
***
Para sa inyong komento, suhestiyon at reklamo, magtext lang sa 09194212599
Almar Danguilan
