For security purposes lang

MATAPOS na mapapimra ng panibagong kontrata si Paul Lee ay hindi na naging ganoon kahalaga para sa Rain or Shine si Kevin Alas.

For security purposes lang talaga ang nangyari kay Alas nang ito ang kunin ng Elasto Painters bilang second pick overall sa 2014 Rookei Draft oong Agosto 21.

Noong kasing mga panahong iyon ay walang katiyakan na sa kanila lalaro si Lee. Ito’y sa kabila ng pangyayaring maximum three-year deal na ang ibinibigay ng Rain or Shine kay Lee. At kahit saan siya pumunta ay maximum pa rin naman ang makukuha niya. Wala nang tataas pa doon.

Well, nagkasundo na nga sina Lee at   pamunuan ng Rain or Shine at nalagdaan na ang panibagong kontrata.

So, anong mangyayari kay Alas na pumirma rin ng maximum three-year contract para sa isang rookie?

Well, puwede siyang manatili sa poder ng Elasto Painters pero hindi siya magagamit nang husto. Kumbaga’y second fiddle siya kay Lee na tiyak na mabibigyan ng monster minutes.

So, masasayang lang ang talent ni Alas kung mananatili siya sa Rain Or Shine.

Kaya naman sa ngayon ay makikipag-usap ang Elasto Painters sa ibang koponan hinggil sa isang trade at iniaalok nga si Alas.

Ang siste’y dalawang future first round picks yata ang hinihinging kapalit ng Elasto Painters at hindi naman yata makatwiran iyon.

Maraming nais kumuha kay Alas dahil sa alam nila ang kakayahan nito. Nandiyan ang NLEX, Talk N Text at San Miguel group. Nandiyan din ang Globalport.

Tiyak na pakikinabangan si Alas.

Anu’t anuman, siguradong everybody happy naman sa pagtatapos ng anumang transaksyon, e.

Ang tanong lang ay kung bakit hindi kasali ang Alaska Milk sa naghahabol kay Kevin. E nandoon pa naman ang tatay niyang si Louie na assistant coach ni Alex Compton.

Sabrina Pascua