Katutubo inasinta, todas (Napagkamalang unggoy)

BINAWIAN ng buhay ang 16-anyos katutubong Tagbanua sa Narra, Palawan makaraan barilin nang mapagkalaman na isang unggoy.

Kinilala ang biktimang si Bernard Bacaltos habang ang suspek ay si Normando Bungkas, 42-anyos.

Batay sa imbestigasyon ng Narra PNP, dakong 4 p.m. nang magkasamang nangaso ang biktima at ang suspek.

Ilang sandali pa, nakarinig ng kaluskos ang suspek sa hindi kalayuang lugar.

Sa pag-aakalang unggoy ang nakita, agad siyang nagpaputok ng baril sa lugar kung saan nakapwesto pala ang biktima.

Agad sumuko sa barangay official ang suspek.

(BETH JULIAN)