Karapatan ni Ai Ai na ma-in-luv kahit mas bata sa kanya

ni Vir Gonzales

MARAMI ang nagulat noong mabulgar na 20-year old lamang ang boyfriend ni Ai-Ai dela Alas, na isang kabataang mahilig sa badminton. Thirthy years ang agwat ng binatang taga-La Salle kay Ai-Ai. Manager pala si Ai-Ai ng isang badminton group.

May nagtatanong, hindi kaya parte ng isang gimmik ang pagkakagustuhan ng dalawa, dahil model si Ai-Ai ng isang produktong parang nagbabalik birhen ang isang katulad niyang 49-years old?

Anyway, ang mahalaga, na-inlove na naman ang komedyana at karapatan niya ito.

RITA’S THE INVISIBLE WINGS, ILULUNSAD NA

SA September 20, nakatakdang magakaroon ng book signing ang actress na si Rita Avila sa SMX. Ikatatlong libro na itong ginawa ni Rita na may titulong The Invisible Wings, tampok ang mga pamosong manika niya sina Mimay, Popoy, at Pony na gustong maging mga anghel sa lupa.

Birthday ni Rita sa Sept. 20 at mamimigay ng cup cakes sa naturang book signing sa mauunang bumili ng book from St. Pauls. Ang proceeds ng kikitain ay ibibigay niya sa orphanage.

Napakagandang misyon na makatulong at makapagbigay kasiyahan sa mga nangangailangan ang gagawing ito ni Rita.

Noong mag-guest si Rita sa Ryza Mae Show, ipinakilala ni Rita sina Mimay at Popoy kay Aleng maliit at ganoon na lang ang tuwa nito. Palibhasa’y bata, appreciated niya mga doll ni Rita.