HATAW! D'yaryo ng Bayan hatawtabloid.com
NATUWA ang Kapamilya star na si Jessy Mendiola sa kanyang karanasan bilang co-host ng UAAP Cheerdance Competition noong Linggo sa Smart Araneta Coliseum.
Ito ang ikalawang beses para kay Jessy na mag-host ng ganitong klaseng kompetisyon na humahataw sa pagsasayaw ang mga estudyante mula sa iba’t ibang pamantasan.
Katunayan, inamin ni Jessy na mas ninerbiyos siya noong Linggo kaysa kanyang unang pagsabak sa hosting sa cheerdance noong 2012.
“Noong first time ko sa cheerdance, it was my first time na maging host ako,” say ni Jessy sa amin sa dressing room ng ABS-CBN Sports. ”Pero second time ko, it was fun.”
Idinagdag ni Jessy na walang kaibahan ang ikalawang pagsabak sa pag-host ng cheerdance sa kanyang unang ginawa noong 2012.
“Pareho kasing energy at intensity ang mga student na sumasali sa cheerdance noon at ngayon,” dagdag ni Jessy. “Honestly, kinakabahan talaga ako tulad nila dahil ang daring nilang mag-stunt.”
Nagpasalamat si Jessy sa pagkakataong ibinigay sa kanya ng ABS-CBN Sports na patunay na kaya niyang maging host ng isang malaking sports event tulad ng UAAP Cheerdance.
“Mas nakakanerbiyos ito kaysa pagsasayaw ko sa ASAP,” pabirong sabi ng aktres.
Samantala, puspusan ngayon ang shooting ni Jessy sa bago niyang movie na The Trial ng Star Cinema kasama sina John Lloyd Cruz, Richard Gomez, at Gretchen Barretto.
