HATAW! D'yaryo ng Bayan hatawtabloid.com
AGARANG pagsibak sa puwesto bilang kasapi ng Police Security and Protection Group (PSPG) si PO2 Leonardo Sebial na inireklamo ng dalawang tricycle driver sa Mandaluyong City.
Si PO2 Sebial, ay sinampahan ng kasong physical injuries (2 counts) sa Mandaluyong City prosecutor’s office nina Alvin Dela Cruz dahil sa 11 suntok na kanyang inabot at Cesar Vitores na nasapok din habang umaawat.
Hindi pumalag ang mga kasamahan ng biktima nang ipangalandakan ng suspek na pulis ito at mayroong dalang clutch bag na hinihinalang may lamang baril.
Ang aksiyon ni PO2 Sebial ay kuhang-kuha sa nakalatag na CCTV camera, na walang naitago ang ginawang pananakit.
Pinag-aaralan kung sasampahan ng kasong harassment at carnapping ang suspek matapos harangin ang mga biktima habang patungo sa TV station saka tinangay ang sinasakyang tricycle. Inilipat si PO2 Sebial sa Holding and Support Unit ng PNP sa Camp Crame habang dinidinig ang kaso.
