Jodi, sagana sa lovelife kaya fresh at maganda!

ni Dominic Rea

ARAW-ARAW po nating napapanood ngayon sa daily noontime show na It’s Showtime si Jodi Sta. Maria kaya naman araw-araw ko rin siyang nabibisita sa studio ng Dos.

Medyo ngarag nga ang Daytime Serye Queen at Kilig Serye Queen dahil kabi-kabila ang kanyang commitments sa pelikula na super busy siya promo ng kanyang latest movie na Maria Leonora Teresa ganoon din ang daytime series nitong Be Careful With My Heart.

Natawa nalang sa amin ang sikat na aktres nang sabihan namin itong mukhang sagana siya sa kanyang lovelife dahil napakaganda niya ngayon at sobrang freshness!

“Wala naman Marse!” agad nitong tsika sa amin.

“Siguro kailangan lang nating maging inspired sa mga ginagawa natin, that’s how passionate I am pagdating sa work ko at alam mo ‘yan!” paglalahad pa ni Jodi.

Tutok lang daw si Jodi sa kanyang trabaho, business, at anak na si Thirdy. Tatlong ikot lang daw ‘yan sa kanyang buhay na araw-araw niyang ipinagpapasalamat sa itaas.

Nang tanungin ko naman siya kung bakit tinanggal niya na ang kanyang Twitter at Instagram account, “Wala lang marse…gusto ko lang. Mas masaya ang buhay. Hahaha! “ aniyang pagtatapos pa sa aming panayam.