HATAW! D'yaryo ng Bayan hatawtabloid.com
ARESTADO sa mga barangay tanod ang dalawang miyembro ng Sigue-Sigue Sputnik Gang makaraan maaktohan habang hinoholdap ang isang bakeshop sa Sta. Ana, Maynila kamakalawa ng hapon.
Nakapiit sa Manila Police District PS 6 ang dalawang suspek na sina Micheal Dela Torre, 26, at Mirasol Tayco, 27, kapwa ng 171 Estrella Street, Pasay City .
Ayon kay SPO1 Ronald Santiago, dakong 2:30 p.m. nang holdapin ng dalawang suspek ang Red Ribbon Bake Shop sa Sta. Ana, Maynila.
Nagroronda ang mga barangay tanod nang maaktohan ang mga suspek habang hinoholdap ang bakeshop. Kaya paglabas ng mga suspek ay agad silang dinakip ng mga barangay tanod.
Nabawi mula sa mga suspek ang tatlong packs ng brownies at isang box polvoron at halagang P634.00.
(LEONARD BASILIO)
