Ex-AFP Chief Bautista, Dingdong Dantes itinalaga sa gov’t

PINANUMPA ni Pangulong Benigno Aquino III kahapon ang 38 government officials, kabilang si dating Armed Forces chief Emmanuel Bautista at aktor na si Dingdong Dantes.

Si Bautista ay opisyal nang iniluklok bilang undersecretary sa ilalim ng Office of the President, pangunahing inatasan na makipag-coordiante sa Cabinet’s security, justice and peace cluster.

Habang si Dantes ay itinalaga bilang commissioner-at-large ng National Youth Commission (NYC).

Kasama ni Dantes ang aktres na kanyang fiancée na si Marian Rivera, sa nasabing okasyon.

Kabilang din sa pinanumpa ng Pangulo sina former Navy chief Jose Luis Alano (Office of the Executive Secretary), Donato Marcos (Department of Energy), Jan Co Chua (Presidential Communications Operations Office), Prudencio Reyes, Jr., at Nora Terrado (Department of Trade and Industry).

Habang si former Navy chief Alexander Pama ay pinanumpa bilang acting administrator ng Office of Civil Defense.