NANINIWALA ang Palasyo na hindi demoralisado ang mga sundalo dahil sa pagdakip ng mga awtoridad kay ret. Maj. Gen. Jovito Palparan.
Sinabi ni Communications Secretary Herminio Coloma, Jr., binibigyan nang sapat na atensyon ng pamahalaan ang morale at kapakanan ng ‘foot soldiers’ at inaasahang susunod sila sa chain of command ng Armed Forces of the Philippines (AFP).
“Yung aspeto ng morale ng foot soldiers ay binibigyang atensyon ng pamahalaan. Bagama’t may mga pananaw na politikal na kinakailangan nilang tumalima sa chain-of-command,” ani Coloma.
Kinakailangan aniya na obserbahan ng mga kawal ang kanilang disiplina at gampanang mabuti ang kanilang tungkulin habang kinikilala rin ang kanilang mga karapatan bilang mamamayan na magpahayag ng kanilang mga paniniwala.
(ROSE NOVENARIO)
