HATAW! D'yaryo ng Bayan hatawtabloid.com
ni ROLDAN CASTRO
SEMI-regular si Paul Salas sa youth-oriented show na Luv U na napapanood sa ABS-CBN 2 after ASAP.
“Tine-test lang po ‘yung love triangle namin nina nina Nash (Aguas) at Alexa (Ilacad). Kontrabida po ako roon, eh,” sey niya nang makatsikahan namin siya sa opening ng kanilang business na Travel Bean Coffee sa Panay Ave. cor Timog.
May mga basher na rin ba siya dahil ginugulo niya ang love team nina Nash at Alexa?
“Okey lang po na nagagalit sila sa akin. Ibig sabihin po niyon, effective ‘yung character ko.
“‘Yung iba naman sinasabi nila, ‘Ano ba? Hindi si Paul ‘yan. ‘Yung character niya lang ‘yan’. Natutuwa naman po ako na marami rin ang nagtatanggol sa akin,” tugon niya.
Samantala aware si Paul sa scandal na umano’y bading siya at kumalat sa internet ang isang picture na hinahalikan niya ang kapwa lalaki.
Paglilinaw ni Paul, hindi raw siya ‘yung nasa larawan.
“Sa side view kamukhang-kamukha ko ‘ yung nasa picture parang ako po talaga ‘yun pero hindi talaga ako ‘yun. Nakita ko ‘yung Facebook account niyong lalaki sa picture at kamukhang-kamukha ko po talaga siya.”
Nalaman daw ni Paul ang tungkol sa picture na ‘yun nang may nag-tag sa kanya sa Twitter Account niya.
“Siyempre ang ganda ng gising ko ng isang umaga tapos nagulat ako nang buksan ko ‘yung Twitter Account ko na naka-tag ‘yung picture. Siyempre nalungkot po ako. Tapos may fan sign pa ako na nakasulat na ‘Im proud!’ Kaya ayaw ko na po ‘yung may nagpapa-fan sign sa akin kasi po iniiba naman nila ‘yung nakasulat.”
Pero sure ba siya sa sarili niya na lalaki talaga siya?
“Opo lalaking-lalaki ako,” natatawang pahayag ni Paul.
‘Yun na!
