HATAW! D'yaryo ng Bayan hatawtabloid.com
ni ROldan Castro
BALITANG sa Agosto na raw ang pagbabalik-telebisyon ni Willie Revillame. May mga tsismis na blocktimer daw ito sa TV5 para magawa niya ang show na gusto niya. May nagsasabi rin na baka saGMA 7 siya mapapanood dahil sa Startalk’ ang kanyang first TV appearance after nang mawala sa ere ang Wowowillie.
Wala namang kontrata si Willie kaya malaya siya ngayon kung saan man siyang estasyon mapunta. Hindi raw siya magtatrabaho dahil sa pera lang kundi kung ano ang magandang programa na dapat niyang gawin kahit kalakihan ang budget. Ang importante ay masaya siya sa ginagawa niya.
Marami ang nagsasabi na puwedeng-puwede si Willie na maging talk show host pagkatapos niyang uriratin si Manay Lolit Solis sa Startalk. Pero ang gusto pa ring programa ni Willie ay ‘yung masaya at nakatutulong sa tao. Game show pa rin ang gusto niyang gawin.
Hindi pa rin namamatay ang isyung gumon na siya sa casino at malaki na ang naipatalo niya kaya ibinebenta na ang properties. Nagbiro na lang si Wil na ibinebenta na lang niya ang lahat at katawan na lang niya ang libre.
“Sinasabi nila, naghihirap na ako, dugyot na ako. Alam mo, hindi importante ang sinasabi ng ibang tao. Ang importante, kung ano ang estado mo. Kung ayos ka ba o hindi. Kung sinasabi nila, mayaman ka, pero naghihirap kami, mas mahirap ‘yon.Kahit anong sabihin nilang negative, tinatawanan ko na lang. Hindi mo na dapat pinapatulan ‘yon, eh, kasi maayos naman ang buhay mo. Nakatutulog ka sa magandang bahay, nakakapagmaneho ka ng magandang sasakyan, nakakakain ka ng gusto mo.So, ibig ko lang sabihin, komportable pa rin naman ako,” deklara niya sa sa isang panayam.
Tsuk!
