HATAW! D'yaryo ng Bayan hatawtabloid.com
ni Ed de Leon
NAIBA iyong takbo ng mga kuwento ngayon, dahil lumabas daw sa DNA testing na hindi naman pala anak ni Coco Martin ang batang babaeng anak ni Katherine Luna. Kung ilang taon din namang laging napag-uusapan iyon. Naging issue pa pati ang hindi raw pagbibigay ng sustento ni Coco sa kanyang anak, iyon pala hindi naman niya anak iyon.
Maliwanag kung ganoon na may ibang nakasama si Katherine na siyang nakabuntis sa kanya at hindi si Coco. Si Coco naman kaya napagbintangan at may panahong hindi makasagot sa mga bintang ay dahil totoong may nangyari rin naman sa kanilang dalawa ni Katherine.
Baka nga maski si Katherine naniwalang si Coco ang nakabuntis sa kanya eh. Ibig sabihin kung may nakasama mang iba si Katherine noon, mas naging madalas ang pagsasama nila ni Coco.
