HATAW! D'yaryo ng Bayan hatawtabloid.com
ni ROldan Castro
NAKAKIKILIG ang pahayag ni Daniel Padilla sa tanong ni Toni Gonzaga sa The Buzz kung nasaan si Kathryn Bernardo sa puso niya? Buong ningning niyang sinabi na nasa pinakagitna.
Boom! Tagos sa puso ang pagmamahal ni DJ kay Kath kahit hindi pa sila umaamin. Hanggang MU lang ang nabanggit niya at nasa ligawan stage pa lang daw.
Agree naman kami sa tanong ni Toni na madalas hawakan ni Daniel ang mga kamay ni Kathryn. Minsan ay nakita rin namin silang magka-holding hands na papasok sa venue ng birthday party niNeil Coleta sa Tomas, Morato.
Pero itananggi niya kay Toni na madalas silang mag-holding hands under the table.
Hindi pa rin daw puwede na i-lips to lips ni DJ si Kathryn. Matagal pa raw mangyayari ‘yun?
Weh, hindi nga?
HAYDEE MANOSCA, HALIMAW SA ENTABLADO
KAHIT si Aiko Melendez ay bumilib sa boses ng grand champion ng Stars On 45 ngIt’s Showtime na si Haydee Manosca noong mapanood niya ito sa The Crowd Restobar sa Madison Square, Mandaluyong City. Nagkainteres nga siya na iprodyus din ito ng show.
Napanood din namin si Haydee sa kanyang concert sa The Crowd kamakailan at talaga namang ‘halimaw’ siya sa entablado. At ang laki ng transformation niya sa hitsura niya rati at ngayong winner na siya sa Stars on 45.
Dating floor manager sa The Crowd si Haydee. Noong opening ng bar ayaw pa siyang pakantahin ng entertainment manager na si Richard Villanueva dahil hindi pa niya naririnig ang boses pero nang sabihin ng isa sa owner na kumanta siya, natulala at napamura si Richard sa taas ng boses ni Haydee.
At noong manalo siya sa It’s Showtime, binigyan na siya ng Tuesday at Thursday na set sa The Crowd.
“’Yun na po ang ibinigay na trabaho sa akin ng boss ko na si Ms. Cora Rodrigo. Nagpapasalamat po ako sa kanya dahil napansin niya ‘yung talent ko sa singing at nagpapasalamat din po ako kay Mr. Richard Villanueva dahil sa tiwala na ibinigay sa akin,” bulalas pa niya.
Pitong taong gulang pa lang si Haydee ay nadiskubre na niyang marunong na siyang kumanta. Sumasali na rin siya rati sa mga singing contest.
Anyway, hindi lang si Haydee ang napapanood sa The Crowd dahil napapanood din ang Accoustic King na si Paolo Santos.
Tsuk!
