Mga superhero nakilibing sa yumaong bata

PUMANAW kamakailan ang limang-taon gulang na batang si Brayden Denton dahil sa brain tumor at ayon sa kanyang inang si Staci Denton, ang kanyang laban sa sakit ay maituturing na “ayon sa isang superhero.”

Ang kakaiba nga lang sa libing ni Brayden ay dinaluhan ito ng mga superhero bilang pakikibahagi sa pagdadalamhati sa kanyang pagpanaw. Pinarangalan ang limang-taon ng kanyang mga kamaganakan na nagsuot bilang mga superhero.

Nakilibing ang tiyuhin ng Brayden bilang si Thor habang ang iba pang naroroon ay gumanap bilang si Superman, Batman, Iron Man at Incredible Hulk.

“Mahirap, pero ginawa ko iyon para sa kanya,” wika ni Cory, na inalala noong pinapanood nila ng kanyang pamangkin ang lahat ng pelikula sa serye ng Iron Man.

Nagbalik-tanaw naman ang ina ni Brayden sa laban ng kanyang anak sa sakit na kanser at sinabing sa paglala nito’y hindi makalakad ang kanyang anak at kalaunan ay hindi na rin makakain at makainom.

Pumanaw si Brayden noong Mayo 8 at talagang nag-headline ang larawan sa kanyang libing na buhat ng mga superhero ang kanyang kabaong patungo sa huling hantungan.

Talagang napakahilig niya sa mga superhero, ani Staci, kaya noong huling kaarawan niya, nakasuot siya ng kapa at binigyan din siya ng cake na may temang superhero.

Sa pagpanaw ni Brayden, nag-iwan din ang bata ng pamana at ibinigay naman ni Staci ang tumor ng bata para mapag-aralan ng siyensya at nag-commit sa sarili para sa cancer research. Kasalukuyang nakikipag-ugnayan si Staci kay Indiana Senator Ron Alter para sa pagdedeklara ng buwan ng Setyembre bilang National Childhood Cancer Awareness Month sa nasabing state.

Kinalap ni Tracy Cabrera