HATAW! D'yaryo ng Bayan hatawtabloid.com
ni ROLDAN CASTRO
ENGAGED na si Denise Laurel sa kanyang boyfriend na basketball player na si Solomon “Sol” Mercado. Naghahangad naman talaga si Denise ng isang buong pamilya lalo’t close ang boyfriend niya sa kanyang anak. Bukod dito, matagal na raw niyang friends si Sol bago pa sila naging mag-on.
Pero teka, hindi kaya magselos sina Sol at Bea Alonzo (girlfriend ni Zanjoe Marudo) dahil kinakitaan ng mga manood ng chemistry ang tambalan nina Zanjoe at Denise sa top-rating primetime family drama na Annaliza?
Ngayon pa lang ay nasasabik na ang fans ng serye sa namumuong pagtitinginan ng mga karakter nila bilang Guido at Isabel. Sa nakaraan nitong episode na nag-beach outing ang pamilya nina Guido at Isabel kasama ang mga bata, hindi mapigilan ng netizens na kiligin sa dalawa kasabay ng malalagkit na tinging ibinibigay ni Guido kay Isabel. Excited na rin sila na makuhang muli ni Annaliza (Andrea Brillantes) ang pangarap na buo at masayang pamilya. Suklian kaya ni Isabel ang pag-ibig ni Guido? Maging isang pamilya na kaya sila? Huwag nang bibitiw dahil isa na namang buhay ang mabubuwis sa ngalan ng paghihiganti. Sino ang mamamaalam? Pakatutukan ang huling dalawang linggo ng Annaliza, gabi-gabi, bago mag-TV Patrol sa Primetime Bida ng ABS-CBN.
