HATAW! D'yaryo ng Bayan hatawtabloid.com
ni Nene Riego
MARAMING beses mula nang dumating si Boy2 Quizon mula Hong Kong ay tumanggi siyang painterbyu sa mga TV and print reporters tungkol sa umano’y engkuwentro nila ni Cedric Lee sa isang bar sa Makati City three weeks ago.“Kung anuman ang nangyari’y kalimutan na lang. Walang pisikal na away. Kaunting sagutan na medyo napalakas ang aming mga boses. Cooler heads intervened. Tapos na ‘yon. ‘Di na dapat pang pahabain,” sabi ni Boy2 na nagsabing naroon siya sa bar dahil dumalo sa birthday party ng isang kaibigan.
Tinawagan daw siya ni Vhong Navarro (na umano’y sinaktan ni Cedric at ilang kasama sa condo unit ni Deniece Cornejo). Nagpasalamat si Vhong sa kanya nang mabalitaan ang nangyari.
“Wala nga akong nasabi kay Vhong tungkol sa nangyari. Basta sabi ko, sana’y maipanalo niya ang mga kasong isinampa niya. Ganoon lang,” sabi pa ni Dos.
Samantala, matapos magwagi ng Best Picture sa MMFF 2014 ang pelikulang 10,000 Hours ng N2 Films na kasosyo siya’y naghahanda na sila ng bagong project. ‘Di niya sinabi kung si Robin Padilla na nagwagi namang Best Actor pa rin ang bida mula rito or kung si Bb. Joyce Bernal ang magdidirehe.
