Bimby, tinanong si Kris ukol sa sex

ni  Reggee Bonoan

SA kauna-unahang pagkakataon ay natanong si Kris Aquino ng bagay na sa pakiramdam niya ay kinailangan niyang manalangin sa Diyos para masagot ito ng tama.

Kilala si Kris na matapang na hinaharap ang lahat ng problemang nasuungan niya at diretso ring magtanong sa maiinit na isyu para ma-klaro.

Sa episode ng Kris TV kahapon ay ikinuwento ni Kris ang tanong ni Bimby sa kanya na sa edad na anim na taon ay sinong mag-aakalang may alam na ang bagets sa sex?

Kuwento ni Kris, “‘mama, so Kuya and I have different papas, right? So that means you had sex with two men?”

Nagulat daw si Kris, “oh my God, nagdarasal ako. Sabi ko, ‘sana tama ang isagot ko.’ sabi ko, ‘Yeah, Bimb. I was confused, I was wrong. You should stick to one.”

Kaya payo ng TV host sa mga nanay na may mga anak na ganito rin ang tanong sa kanila, “If you have a child who’s so curious, talagang sagutin mo nang diretso.

At sa huli ay naisip ni Kris na nakaganda na rin na alam ni Bimby ang tungkol sa nangyari sa buhay niya para kapag nag-asawa ang anak ay may alam na ito.

Bagay na tama rin ang naisip ng Queen of All Media dahil sabi raw ni Bimby sa kanya, “Sabi niya (Bimby) ‘Me, I’m gonna have one wife and I’m only going to sleep with one woman.’ Sabi ko, ‘Ipapaalala ko ‘yan sa iyo (Bimby).”