HATAW! D'yaryo ng Bayan hatawtabloid.com
ni Reggee Bonoan
NAGTATALO-TALO ang supporters ng KathNiel sa social media dahil ayaw nilang magbabu na sa ere ang Got To Believe sa Marso 7, Biyernes.
Pero may mga supporter naman sina Daniel Padilla at Kathryn Bernardo na nakaiintindi na kailangan na talagang tapusin ang Got To Believe dahil may gagawing pelikula ang dalawa at paano nga naman daw ito magagawa kung nagte-taping sila.
Ayon sa ibang supporters, “reason kung bakit hindi na mae-extend ang ‘G2B’, let’s be happy na lang para sa kanila dahil marami silang blessings.
Ang unang dahilan daw ay, “sa March magsisimula na ang shooting ng pelikulang ‘She’s dating the Gangster’ na ididirehe ni Cathy Garcia-Molina. Mahirap mag-direk ng teleserye at pelikula at the same time with the same cast, sige nga isipin ninyo?
Pangalawa, “sa Paris (France) ang location ng ‘She’s Dating the Gangster’, so isipin natin (supporters), paano makakapag-taping ng ‘Got To Believe’ kung nasa Paris sila?
Pangatlo, “by April, may Europe tour si DJ with Yeng Constantino, halos nasa Europe siya half-of-the month at April din ang second concert niya sa Araneta Coliseum. Habang nagre-rehearsal siya ay nagso-shooting ng ‘She’s Dating the Gangster’. Kung isisingit pa ang taping, eh, baka maging zombie na sila.
At ang pang-apat, “kung 3 – 4 months ang shooting ng ’She’s Dating the Gangster’, probably, mga June – August ang showing ng movie, pagkatapos ay magso-shoot ulit sila ng movie for MMFF, ‘yung ‘Magic Temple.’. Kaya isipin natin na hindi na talaga kakayanin pang i-extend ang ‘G2B’.
Oo nga, paano nga naman pagsasabayin nina DJ ay Kath ang shootings at tapings. At least level headed naman pala ang supporters nila at paying fans sila, ateng Maricris dahil balita namin ay susunod din ng Paris ‘yung iba, kaloka ‘yun ha.
