HATAW! D'yaryo ng Bayan hatawtabloid.com
ni Reggee Bonoan
KOMPIRMADONG OUT na si Angel Locsin sa pelikula nila ni Vhong Navarro sa Star Cinema dahil sobrang busy daw ang aktres ngayon sa seryeng The Legal Wife.
Last year pa kasi dapat inumpisahan ang shooting ng pelikulang pagsasamahan nina Angel at Vhong pero ang direktor na si Binibining Joyce Bernal naman ang naging busy dahil inuna niyang gawin ang 10,000 Hours entry ni Robin Padilla sa nakaraang Metro Manila Film Festival.
At nang pumuwede na si direk Joyce ay si Vhong naman ang hindi na dahil sa nangyari sa kanila nina Cedric Lee at Deniece Cornejo.
Puwede na si Vhong mag-shoot ngayong Marso at si Angel naman ang hindi na puwede dahil ngaragan na ang tapings ng The Legal Wife na ayon mismo sa taga-Star Cinema, ”hindi kakayanin ni Angel na pagsabayin ang tapings at shooting, baka naman wala ng maibigay ang lola mo. At saka ayaw naman ding pumangit siya sa ‘Legal Wife’ at movie, ‘no?”
Hindi pa siguro panahon para magsama sa pelikula sina Angel at Vhong na pangarap pa naman ng aktres na makasama ang aktor dahil nga nagalingan siya nang magsama sila sa Toda Max.
Sitsit sa amin ng taga-Star Cinema ay si Jessy Mendiola raw ang pinapa-approve na leading lady ni Vhong dahil nga walang ginagawa ngayon ang aktres, “kailangan kasi totally free ang leading lady para hindi ngarag, since si Jessy, walang soap, so baka puwedeng siya na lang.”
Heto pa ateng Maricris na tsika sa amin, “nakatatawa nga, kasi nauna pang nabugbog si Vhong nina Cedric Lee sa condo, eh, may eksena talaga kaming bubugbugin si Vhong ng buong magdamag hanggang umaga. Baka isipin tuloy, ini-spoof namin ‘yung nangyari kina Vhong at Cedric.”
Eh, nakakaloka nga, anyway, at least hindi bago kay Vhong ang eksenang bubugbugin siya sa condo, ang bago lang siguro ay magdadala siya ng ‘foods’ ha, ha, ha, ha.
