Import ng San Mig excited maglaro sa PBA

INAMIN ng import ng San Mig Coffee na si James Mays na ganado na siyang maglaro sa Coffee Mixers para sa darating na PBA Commissioner’s Cup.

Ilang linggo lang ang tinagal ni Mays sa Pilipinas at kahit nasa semifinals pa ang koponan ngayong Philippine Cup, nagsimula na siyang mag-ensayo.

Nanonood din siya ng lahat ng mga laro ng San Mig kontra Barangay Ginebra San Miguel sa semis.

“I’ve seen a crowd as big as this, but I’ve never seen a crowd as crazy as this,” wika ni Mays sa panayam ng www.sports5.ph. “I started practicing with them and I’m getting more comfortable with what we’re doing day by day. This is a good team with a lot of good players. We have a good system and a great coach (Tim Cone). I’m aware that he’s one of the greatest ever.”

Si Cone mismo ang kumuha kay Mays habang naglalaro ang huli sa NBA D League sa Amerika.

Si Mays ay papalit kay Denzel Bowles na naglalaro ngayon sa Tsina.

Magsisimula ang Commissioner’s Cup sa unang linggo ng Marso.

(James Ty III)